البلبول
عضو متقدم
تاريخ التسجيل : 20/08/2010
عدد المساهمات : 134
تاريخ الميلاد : 30/12/1992
العمر : 31
 | موضوع: اسمعوا قصتي مع البلبول  2010-09-22, 9:40 am | |
|
بقول لكم سالفه صارت لي من سنه تقريبا .......
طبعا انا احب العصافير وخاصه البلبول.... فقلت ليش مااشتري بلبول ويكون صديقي واعتني به واربيه على يدي
شريت وماشالله عليه توه صغيرون .. اعتنيت به لين ماكبر شويه وصرت الاعبه واكله واشربه
عاد انا سميته خالد .. وادلعه خلوودي
وتعودت على بلبولي وصار كل شي بالنسبه لي ..
طبعا انا بذيك الفتره مااسهر كله انام .. ماتجي الساعه 8 الا وانا نايم..
قلت مدام ان خالتي الصغيره تسهر اعطيها البلبول وتهتم فيه لين مااجلس انا واخذه منها...
وكل يوم اجلس الفجر وخالتي تجي ومعها البلبول وتعطيني اياه وتقولي اخباره اكل ولا لا ... نام ولا لا ...
وكل يوم على هالحال...
ليله من الليالي .. عطيته خالتي ورحت نمت..
جلست اهي تأكله الا الماي اللي عندها خلص قامت بتجيب ماي للبلبول ... حطت البلبول على الارض لانه مايطير توه
بس يمشي على خفيف..
واهي تمشي البلبول تحرك من مكانه الا....................................... وطت عليه برجلها
وماااااات
واهي قامت تصيح وخافت ان انا اصارخ عليها واقول انها اهي السبب في موته ..
وانا ماادري عن السالفه...
جلست الفجر ورحت الصاله الا مافيها احد .... قلت في نفسي غريبه خالتي مو هنا!!! طيب وين البلبول اهي دايما تجيبه لعندي ... مو لازم انا اروح لعندها واخذه منها ...!!!!!!
دخلت الغرفه الا خالتي الثانيه قالت لي هااااااا قعدت من النوم....؟؟
قلت لها اي...... قالت لي تعال بقولك شي .... طبعا لاتعصب والشي هذا صار بدون قصد
انا عى طول فهمتها وقلت اكيد البلبول حصل له شي....
الا على طوول دموعي نزلت من غير شعور وقلت لها ماااااااااااااات ..!!!!!!!!
ابتسمت لي وقالت اي مات .... مات البلبول
سألتها كيف مات طيب؟؟؟ وقالت لي السالفه كلها
وانا سويتها منيح والله..... اهي غارت مني قالت كل هذا عشان بلبول....!!!!
نجيب لك غيره ...
قلت لها انا بعد اللي حصل مابي عصافير خلاص ...
مدام خلودي فارق الدنيا .. مابي شي انا خلاص
ضحكت وقالت لي... يمكن لأنك سميته خالد .. فعشان كذا مات
لان ابغض الاسماء عند الله خالد...
وهذا قدر والله كتب عليه يموت..
وانتهت قصة خلودي .. فارق الدنيا وخلاني وحيد ... خلودي اللي تعودت عليه وحبيته ومااحد يهتم فيه غيري
يرووح عني ......!!!!!
يروح ويتركني وحدي بدون انيس ...!!!!!!!
الله يرحمه
اهو صحيح حيوان .. ويمكن يكون اغلى من البشر ...
بس كان اعز واغلى حتى من روحي .... وحبيته اكثر من اي مخلوق بالدنيا
وهذا اللي الله كتبه ...
وداعا يابلبولي العزيز
.................................................. ........
تحيااتى.............
| |
|
╣☼╠عاشق القطيف وناسة╣☼╠
الأدراة
تاريخ التسجيل : 18/08/2009
عدد المساهمات : 304
| | موضوع: رد: اسمعوا قصتي مع البلبول 2010-09-24, 3:38 pm | |
| | |
|
اسير المشاعر
الأدراة
تاريخ التسجيل : 19/08/2010
عدد المساهمات : 131
 المزاج : رايق
| | موضوع: رد: اسمعوا قصتي مع البلبول 2011-01-30, 7:59 pm | |
| وااااو قصة جميلة  تصدق شوي وأصيح (ما امزح) | |
|
